Alias :  Vizconde de Torata; Jerónimo Valdés
Nacimientu:  4-V-1784 - Vil.larín / Villarín (Somiedu)
Defunción:  14-IX-1855 - Uviéu / Oviedo

Militar y escritor nacíu´l 4 de mayu de 1784 en Vil.larín, parroquia de San Andrés de Veigas (Somiedu).

Empezó a estudiar pa cura nel Seminariu de Lugo.

Sacó´l gráu de bachiller na Facultá de Filosofía d´Uviéu.

Dempués empezó Drechu na Universidá de la capital asturiana, y tien que lo dexar por culpa la invasión francesa.

Poro salió de la Universidá pa facese militar.

Llegó a teniente xeneral.

Diéron-y títulos nobiliarios de conde de Vil.larín y Vizconde de Torata.

También lu condecoraron cola Gran Cruz de Carlos III. Cuando en 1816 volvió a reinar Fernando VII, destináronlu como xefe d´Estáu Mayor de las fuercies que lluchen en Perú escontra la insurreición americana, onde ganó munchos ascensos y llegó a ser mariscal de campu.

N´Ayacucho perdió la batalla contra´l xeneral Sucre, y embarcó pa España.

Escribió un llibru d´esta derrota.

Lluchó al frente de la guarnición de Zaragoza escontra los insurreutos de Benasque y Mequinenza.

Dempués destínenlu pa Madrid, y en 1832 p´Asturias.

Al añu siguiente nómenlu gobernador políticu y militar de Cartaxena.

Al morrer Fernando VII, llucha escontra los carlistes nel País Vascu.

Ganó a Zumalacárregui na batalla d´Artaza.

En 1836 sal diputáu a Cortes por Asturies, cargu que decide nun aceutar.

Aceuta´l de senador por Murcia y Valencia al añu siguiente.

Dempués pasa pa Galicia como capitán xeneral.

Tá al cargu de la Guardia Real durante unos meses.

Lluéu fáenlu capitán xeneral de Cataluña.

En 1840 mándenlu pa Cuba como capitán y gobernador xeneral.

Posteriormente embarca en Matanzas con rumbu a Francia.

Dempués reincorpórase al cuartel de Madrid pa enseguida retirase n´Uviéu.

Muerre´l 14 de setiembre de 1855.

<< Listáu de Autores

<< Tornar al Entamu