|
Alias : Ego; Dr Doa
Nacimientu: 1852 - Areñes (Siero)
Defunción: 1902 - Cebú (Filipinas)
Relixosu agustinu, poeta y críticu lliterariu nacíu’l 19 de xineru de 1852 n´Areñes (Siero). El 8 d’ochobre de 1869 profesó nel conventu de San Agustín de Valladolid y poco dempués pasó pa Manila, onde acabó la carrera eclesiástica, y darréu pa la islla de Cebú como párrocu de Boljoón, onde estudió la llingua y les costumes de los sos habitantes. Cola revolución de 1898 pasó otra vuelta pa Manila, tornando al poco pa la islla de Cebú, onde morrió’l 19 de xineru de 1902 nel conventu del Neñu Xesús. Sacante la so obra en volume, andechó abondo na prensa filipina y española colos alcuños de “Ego” y “Dr. Doa”.
|
LA CITA:
"Venimos de la nueche y hacia la nueche vamos. / Escucha. Yo llámote dende un reló de piedra, / onde caen les sombres, onde'l silenciu cai." Vicente Gerbasi
