Nacimientu:  ?1570 - Entrambasaguas (Cangas del Narcea)
Defunción:  1630 - Uviéu / Oviedo

De la vida d’esti illustre historiador y tratadista de retórica ye mui poco lo que sabemos con seguridá.

La so vida esmuzse pente los percontaos datos que caltriamos nes sos obres.

Él mesmu diz nes “Antigüedades…” que nació nel Principáu, na zona d’Entrambasaguas, na per daquella Cangas de Tinéu.

Estudió la carrera eclesiástica faciéndose sacerdote haza 1595.

Esplicó llatín en Cangas durante dos o tres años, nos que entamó la composición del so primer llibru “El Cisne de Apolo” asoleyáu en Medina del Campo nel añu 1602, data mui poco posterior a la del so treslláu a Uviéu.

Nel llibru diz que lu escribió porque de la qu’enseñaba Llatinidá en Cangas pidiéron-y dellos amigos que-yos declarase la insignia poética.

N’Uviéu continuó’l Padre Carballo les llabores docentes de llatinista nel colexu de San Gregoriu, fundáu pol cardenal Valdés, centru del que diba a ser rector.

Al desapaecer esti colexu en 1608 y crease la Universidá pasó a formar parte d’ella como profesor d’Humanidaes.

Daquella’l cabildru de la catedral recibelu como callóndrigu y poco dempués encárga-y l’Archivu catedraliciu que de xuru desendolcó hasta’l final de la so vida.

Sábese que enantes de 1624 ingresa na Compañía de Xesús, nel Colexu de San Matíes, d’Uviéu, pa lo que tuvo de refugar la Canonxía.

<< Listáu de Autores

<< Tornar al Entamu