|
Alias : Manuel Díaz Pedregal y Cañedo
Nacimientu: 12-IV-1831~1832 - Grau~Grado
Defunción: 22-VII-1896 - ?
Xuriconsultu y escritor nacíu en Grau el 12 d’abril de 1831. Na Facultá de Filosofía de la Universidá d’Uviéu algama’l grau de Bachiller el 10 de xunu de 1848. Dempués sigue la carrera de Lleis na mesma Universidá y llicénciase en Derechu en xunu de 1856. Darréu abre’l so bufete na capital d’Asturies. Andechó en dellos periódicos de calter democráticu d’Uviéu y yera mui célebre como conferenciante y orador. Participó en 1854 nel entamu de l’Academia Científica y Lliteraria. Terminada la carrera preside’l comité qu’empobinó el nuevu partíu democráticu n’Uviéu. El 26 de xineru de 1866 almítenlu como miembru de l’Academia de la Historia. Participa nel movimientu revolucionariu de setiembre de 1868. Funda y dirixe el periódicu “El Constituyente” y forma parte como vocal de la Xunta Revolucionaria provincial. Nos años siguientes foi conceyal del Ayuntamientu d’Uviéu. Cola pa Madrid en 1872 pa ampliar les sos actividaes polítiques. Cola llegada de la República en 1873 nómenlu gobernador por A Coruña, algamando gran fama en Congresu de los Diputaos. Foi vicepresidente de les Cortes nes que presidió delles sesiones. Castelar nomólu Ministru de Facienda, cargu que garra en un de los momentos de mayor crisis del Tesoru públicu nel sieglu XIX. Foi un de los abogaos más célebres d’España y un de los meyores conferenciantes. Foi presidente del Atenéu de Madrid y de l’Academia de Xurisprudencia, ente otres corporaciones. Xunto a Giner de los Ríos fundó y foi’l cabezaleru de la Institución Llibre de Enseñanza. En 1881 presenta la so candidatura de diputáu a Cortes por Uviéu, cargu que desendolcó hasta que morrió el 22 de xunetu de 1896. En 1890 empobina xunto a Labra y Azcárate, el partíu Unión Republicana. Nel primer aniversariu de la so muerte, descubriéron-y una estatua en Grau como fíu predilectu.
|
LA CITA:
"El problema de los nuestros tiempos ye que'l futuru yá nun ye lo que yera." Paul Ambroise Valéry
