|
Nacimientu: 1570~1571~1572 - Cangas del Narcea ~ Tinéu / Tineo
Defunción: 1599 - Salamanca
Dizmos d´él Constantino Suárez que fuere escritor y que morriere siendo tá mui nuevín na segunda metá del sieglu XVI. Qu´unos danlu por nacíu en conceyu de Cangas del Narcea (d´aquella Cangas de Tineo) y otros nel de Tineo. Diz que nació ente´l 1570 y el 1572.
Empezó a estudiar nel colexu San Gregoriu, d´Uviéu, (llamábenlu de "los verdes" por traer l´hábitu asina los colexales); siguió estudiando nel de San Pelayo, fundáu había poco pel Arzobispu Valdés, en Salamanca, que-y dieren ingresu nél, el 10 d´abril de 1588. El 1 d´ochobre de 1596 pasó de colexal al Colexu Mayor de San Bartolomé, que lu concíen como "el Viejo", desa mesma ciudá, nel que recibió el gráu de bachiller de Cánones.
Cuando ya taba formá la so personalidá intelectual y tenía dao pruebes de escritor notable y documentaú, morrió en xunu de 1599. Los restos enterráronlos na capiella desi últimu Colexu.
Dexó inéditu el llibru "Modus vivendi processum", publicáu a otru añu de morrer él.
|
LA CITA:
"La unión de les almes ye meyor mil veces que la unión de los cuerpos." Ibn Hazm de Córdoba
